आइएमई लाइफ इन्स्योरेन्स बिजनेश एक्सिलेन्स अवार्ड

काठमाडौं : ‘आइएमई लाइफ इन्स्योरेन्स लाइफ विजनेश एक्सिलेन्स अवार्ड’ सम्पन्न भएको छ।

शुक्रबार होटेल ह्यात रिजेन्सीमा एक भव्य समारोह बीच सम्पन्न कार्यक्रमका बीच कम्पनीले आर्थिक वर्ष २०७९/८० मा उत्कृष्ट कार्य गरेका शाखा कार्यालय, उत्कृष्ट अभिकर्ता, धेरै बीमालेख जारी गर्ने अभिकर्ता लगायतलाई अवार्ड वितरण गरेको थियो।

कम्पनीमा आवद्ध अभिकर्ताहरूको उच्च सम्मान र उर्जाका साथ काम गर्नका लागि प्रेरित गर्नका लागि आयोजना गरिएको अवार्डमा तीन सयभन्दा बढी अभिकर्ताको सक्रिय उपस्थिति रहेको कम्पनीले जनाएको छ।

अवार्ड वितरण कार्यक्रममा आइएमई ग्रुपका अध्यक्ष एवं नेपाल उद्योग वाणिज्य महासंघका अध्यक्ष चन्द्रप्रसाद ढकाल, ग्रुपका प्रबन्ध निर्देशक एवं नेपाल उद्योग परिसंघ (सीएनआई)का उपाध्यक्ष हेमराज ढकाल लगायत कम्पनीका सञ्चालक समितिका सदस्यहरुको उपस्थिति थियो।

भदौ १६, २०८० शनिबार १४:४०:५४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।