कोशी सरकारविरुद्धको रिटमा आज सुनुवाइ हुँदै
काठमाडौं : कोशी प्रदेश सरकारविरुद्धको रिटको शुक्रबार आज सुनुवाइ हुँदैछ।
कोशी सरकारका मुख्यमन्त्री उद्धव थापालाई बर्खास्त गर्न माग गर्दै एमालेले सर्वोच्च अदालतमा दायर गरेको रिटमा शुक्रबार पूर्ण सुनुवाइका लागि पेसी तोकिएको हो।
कोशी सरकारविरुद्ध एमाले संसदीय दलका नेता हिक्मतकुमार कार्कीले ६ भदौमा सर्वोच्चमा रिट दिएका थिए।
उनले प्रदेश प्रमुख पर्शुराम खापुङ, मुख्यमन्त्री थापा र प्रदेश सभा सचिवालयलाई विपक्षी बनाएर रिट दायर गरेका छन्।
मुख्यमन्त्रीविरुद्ध परेको रिटलाई छिटोछरितो ढंगले निरूपण गर्नुपर्ने भन्दै सर्वोच्चले अग्राधिकार दिएको छ।
भदौ १५, २०८० शुक्रबार ११:०५:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
