मेस्सीलाई पछि पार्दै हालान्डले जिते उत्कृष्ट फुटबल खेलाडीको उपाधि

मेस्सीलाई पछि पार्दै हालान्डले जिते उत्कृष्ट फुटबल खेलाडीको उपाधि

एजेन्सी : अर्जेन्टिनी स्टार लियोनल मेस्सीलाई पछि छाड्दै म्यानचेस्टर सिटीका स्ट्राइकर एर्लीङ हालान्डले यूईएफए पुरुष वर्ष खेलाडी २०२३ को उपाधि जितेका छन्।

युरोपियन फुटबल महासंघले गत सिजन मात्र म्यानचेस्टर सिटी गएका नर्वेका खेलाडी हालान्डलाई यो उपाधि दिएको हो। हालान्डले गत सिजन क्लब र देशका लागि ६२ खेलमा ६० गोल गरेका थिए। 

क्लबमा गएको पहिलो सिजन नै उनकै सर्वाधिक गोलको मद्दतले म्यानचेस्टर सिटीले च्याम्पियन्स लिग, प्रिमियर लिग र एफ.ए कप जित्दै उपाधिमा ह्याट्रिक गरेको थियो। 

म्यानचेस्टर सिटीलाई ती उपाधि दिलाएका स्पेनिस प्रशिक्षक पेप गार्डीओलाले उत्कृष्ट प्रशिक्षकको उपाधि जिते। यता महिलातर्फ भने बार्सिलोना र स्पेनकी आईटाना बोनमाटी उत्कृष्ट खेलाडी चुनिइन्।

भदौ १५, २०८० शुक्रबार ०८:३९:१६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।