चार ओभरमा पाकिस्तानले लियो १६ रन, नेपालको कसिलो बलिङ

काठमाडौँ :  नेपालको कसिलो बलिङका कारण पाकिस्तानले चौथो ओभरमा जम्मा १६ रन पुर्यायो।  मुल्तान क्रिकेट रङ्गशालामा नेपाल र पाकिस्तानबिच खेल भइरहेको छ। करण केसीले कसिलो बलिङ गरिरहेका छन्। टस पाकिस्तानले जितेर ब्याटिङ रोजेको थियो। पाकिस्तानले पहिलो ओभरमा नौ रन लिएको थियो।

नेपालबाट बलिङमा सोमपाल कामी, सन्दीप लामिछाने, करण केसी र ललितनारायण राजवंशीलाई मैदान उतारेको छ। नेपालको प्लेइङ ११ मा कुशल भुर्तेल, आसिफ शेख, रोहित पौडेल (कप्तान), कुशल मल्ल, आरिफ शेख, दीपेन्द्रसिंह ऐरी, गुलशन झा, सोमपाल कामी, करण केसी, ललित नारायण राजवंशी र सन्दीप लामिछाने रहेका छन्।

पाकिस्तानको प्लेइङ ११ मा फखार जमान, इमाम उल हक, बाबर आजम (कप्तान), मोहम्मद रिजवान (विकेटकिपर), अघा अली सलमान, इफ्तिखर अहमद, सादब खान, मोहम्मद नवाज, शाहिन शाह अफ्रिदी, नसिम शाह र हरिस रौफ रहेका छन्।

भदौ १३, २०८० बुधबार १५:३७:५९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।