प्रेमिकालाई जन्मदिनको शुभकामना दिँदै करण केसीले लेखे, ‘ह्याप्पी बर्थडे डियर’
काठमाडौं : नेपाली राष्ट्रिय टिमका तीव्र गतिका बलर करण केसीले प्रेमिका वर्षा बस्नेतलाई जन्मदिनको शुभकामना दिएका छन्।
सामाजिक सञ्जालमार्फत केसीले प्रेमिका बस्नेतलाई जन्मदिनको शुभकामना दिएका हुन्। उनले फेसबुक स्टोरीमा वर्षा बस्नेतलाई मेन्सन गरेर उनको भिडियोसमेत राखेका छन्।
भिडियोमा वर्षा एक कफिसपमा जिब्रो निकालेर आँखा ठूलो बनाउँदै क्यामेरामा पोज दिइरहेकी छन्।
जन्मदिनको शुभकामना दिँदै करणले लेखेका छन्, ‘ह्याप्पी बर्थडे डियर’। त्यसको पछाडि उनले लभको इमोजीसमेत प्रयोग गरेका छन्।
वर्षा चलचित्र पत्रकारिता गर्छिन्।
करण केसी एसिया कपका लागि पाकिस्तानको मुल्तानमा छन्। नेपालले बुधबार आफ्नो पहिलो एसिया कपको खेल आयोजक राष्ट्र पाकिस्तानविरुद्ध खेल्दैछ।
पाकिस्तानविरुद्धको खेल नेपाली समयअनुसार दिउँसो सवा तीन बजे हुनेछ।
त्यसअघि पौने तीन बजे नेपाली गायिका त्रिशाला गुरुङले पाकिस्तानी गायिका आइमा बेगसँग मिलेर सांगीतिक प्रस्तुति दिनेछिन्।
भदौ १३, २०८० बुधबार १०:२४:३७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
