पाकिस्तानविरुद्ध प्रतिस्पर्धात्मक खेल खेल्छौँ : कप्तान रोहित पौडेल

काठमाडौं : नेपाली क्रिकेट टिमका कप्तान रोहित पौडेलले पाकिस्तानविरुद्ध प्रतिस्पर्धात्मक खेल खेल्ने बताएका छन्।

एसिया कपको उद्घाटन खेलअघिको पत्रकार सम्मेलनमा कप्तान पौडेलले पाकिस्तान बलियो टिम भएको भन्दै उविरुद्ध प्रतिस्पर्धात्मक खेल खेल्ने बताएका हुन्।

‘एसिया कप खेल्नु हाम्रो लागि ठूलो अवसर हो, पाकिस्तान एकदमै राम्रो टिम हो,’ उनले भने, ‘हामी उनीहरूविरुद्ध प्रतिस्पर्धात्मक खेल खेल्नेछौँ।’

कप्तान पौडेलले पाकिस्तान र नेपालबीचको एउटै फरक भनेको अनुभव भएको बताए। पाकिस्तानी टिम अनुभवी भएको भन्दै उनले प्रतिस्पर्धी जो भए पनि आफूहरू एक–एक बलमा फोकस गरेर खेल्ने बताए।

‘वान बल ब्याटलमा हाम्रो फोकस हुनेछ, चाहे टिम जुनसुकै किन नहोस्,’ उनले भने, ‘विश्वकप छनोट र एसीसी इमर्जिङ कप खेलेकाले हामी पूर्ण तयार छौँ।’

भदौ १२, २०८० मंगलबार २०:२३:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।