गुल्शन झा एसिया कपमा चम्किन सक्ने खेलाडी हुन् : आईसीसी
काठमाडौं : बुधवारदेखि शुरु हुन गइरहेको एसिया कप क्रिकेटमा उत्कृष्ट प्रदर्शन गर्न सक्ने खेलाडीको सूचीमा नेपालका गुल्शन झा पनि अटाएका छन्।
अन्तर्राष्ट्रिय क्रिकेट परिषद् (आईसीसी)ले एसिया कपमा उत्कृष्ट प्रदर्शन गर्न सक्ने ६ जना खेलाडीको सूचीमा नेपालका झालाई पनि राखेको हो।
उत्कृष्ट प्रदर्शन गर्न सक्ने ६ खेलाडीमा पाकिस्तानका बाबर आजम, भारतका जसप्रिम बुमराह, नेपालका गुल्शन झा ,बङ्गलादेशका तस्किन अहमद, अफगानिस्तानका राशिद खान र श्रीलङ्काका महीश थीकशना रहेका छन्।
आईसीसी पुरुष क्रिकेट विश्वकप छनोट प्रतियोगितामा उत्कृष्ट प्रदर्शन गरेकाले उनलाई सुचिमा राखेको आईसीसीले उल्लेख गरेको छ।
मुख्य प्रतियोगितामा उनले राम्रो प्रदर्शन गरेका र उनको विशेषता नै आक्रामक तरिकाले खेल्नु रहेको उल्लेख छ।
१६ औँ संस्करणको एसिया कपको उद्घाटन खेलमा नेपालले भोलि मुल्तान क्रिकेट मैदानमा पाकिस्तानसँग खेल्दैछ।
भदौ १२, २०८० मंगलबार १४:३५:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
