बिग बास लिगको ड्राफ्टमा सन्दीपसहित पाँच नेपाली खेलाडी
काठमाडौं : अस्ट्रेलियाको घरेलु क्रिकेट प्रतियोगिता बिग बास लिग (बीबीएल)मा नेपालका पाँच क्रिकेटर ड्राफ्टमा समेटिएका छन्।
बीबीएलको आगामी सिजन २०२३/२४ को लागि अस्ट्रेलियन क्रिकेट संघले सोमबार ड्राफ्टमा परेका २९ देशका ३७६ खेलाडीको लिस्ट सार्वजनिक गरेको हो।
ड्राफ्टमा नेपालका सन्दीप लामिछाने, आरिफ शेख, आसिफ शेख, अर्जुन साउद र देव खनाल परेका छन्।
सन्दीप, आरिफ, आसिफ र अर्जुन नेपाली राष्ट्रिय टिमका नियमित सदस्य हुन्। यस्तै, देव खनाल यू–१९ राष्ट्रिय टिमका कप्तान हुन्।
बीबीएलको नयाँ सिजन डिसेम्बर ७ देखि सुरू हुँदैछ। नेपालबाट हालसम्म सन्दीप लामिछानेबाहेक अन्य कुनै पनि क्रिकेटरले बीबीएल खेलेका छैनन्।
भदौ ११, २०८० सोमबार १८:०३:२३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
