पछिल्लो चार दिनदेखि सुनको मूल्य स्थिर, चाँदीको घट्यो
काठमाडौं : सुनचाँदी बजारमा आज (सोमबार) सुनको मूल्य स्थिर रहँदा चाँदीको मूल्य भने सामान्य रुपमा घटेको छ।पछिल्लो चार कारोबार दिनदेखि सुनको मूल्य स्थिर रहँदै आएको छ।
आज छापावाल सुनको मूल्य प्रतितोला रु एक लाख ११ हजार एक सय कायम भएको छ।
नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य पनि स्थिर रही प्रतितोला रु एक लाख १० हजार पाँच सय ५० कारोबार भइरहेको छ।
त्यस्तै चाँदीको मूल्य भने अघिल्लो दिनको तुलनामा प्रतितोला रु पाँचले घटेर रु एक हजार चार सय ६० तोकिएको छ।
भदौ ११, २०८० सोमबार १३:३७:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
