'नाबालिग बलात्कार आरोप' प्राविधिक विषय : टंक घिसिङ

काठमाडौं : राष्ट्रिय खेलकुद परिषद्का सदस्य सचिव टंकलाल घिसिङले क्रिकेटर सन्दीप लामिछानेमाथि सिंगो देशले भरोसा गरेकाले प्राविधिक विषयमा अड्किन नहुने बताए।

सन्दीपलाई एसिया कप क्रिकेट खेल्न पाकिस्तान जान बिदाइ गर्दै उनले नाबालिग बलात्कार जस्तो जघन्य अपराधलाई केही प्राविधिक विषय भनेर टिप्पणी गरे।

सन्दीपविरुद्ध काठमाडौं जिल्ला अदालतमा नाबालिग बलात्कारमा मुद्दा चलिरहेको छ। आइतबार सुनुवाइको पेसी भए पनि सुनुवाइ नै भएन। नेपाली टिमका अन्य सदस्यहरू पाकिस्तान पुगिसकेका छन्। आइतबार सुनुवाइ नै नभएपछि सन्दीपलाई पनि आज (सोमबार) पाकिस्तान पठाइएको हो। 

यता सन्दीप नाबालिग बलात्कारसँगै किर्तेमा पनि तानिने जोखिम छ। नाबालिगको जन्मदर्ता बारे पेस गरेको कागजबारे अदालतले सोध्दा उनले एक फ्यानले दिएको कमजोर तर्क गरेका थिए। 

पहिलो पटक एसिया कप खेल्दै गरेको नेपालले समूह चरणमा पहिलो पटक पाकिस्तान र भारतसँग प्रतिस्पर्धा गर्दैछ।

भदौ ११, २०८० सोमबार १३:०४:५३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।