समाजवादी मोर्चाले भदौ १२ गते बुटबलमा प्रदेश समिति घोषणासहित सन्देश सभा गर्ने
बुटवल : समाजवादी मोर्चाले भदौ १२ गते बुटवलमा मोर्चाको प्रदेश समिति घोषणा सहित सन्देशसभा गर्ने भएको छ।
मोर्चाको तर्फबाट आयोजित पत्रकार सम्मेलनमार्फत जानकारी दिदै उक्त सभाको तयारीमा मोर्चाका दलहरु जुटेको बताए।
लुम्बिनीको घोषणा सभाको ब्यबस्थापनको जिम्मा विप्लव नेतृत्वको नेपाल कम्युनिष्ट पार्टीले लिएको समेत सम्मेलन मार्फत जानकारी गराईएको थियो।
मोर्चामा आवद्ध दलहरु माओवादी केन्द्र, जनता समाजवादी पार्टी नेपाल, एकीकृत समाजवादी र नेपाल कम्युनिष्ट पार्टीले तयारी तिब्र पारेको पत्रकार सम्मेलनमा जानाकारी गराइएको थियो।
भदौ १२ गते बुटवलस्थित अन्तर्राष्ट्रिय सम्मेलन केन्द्रमा हुने प्रदेशस्तरीय बृहत् सन्देशसभामा प्रधानमन्त्री प्रचण्ड, एकीकृत समाजवादीका अध्यक्ष माधव नेपाल, विप्लव, उपेन्द्र यादव लगायतका नेता सहभागी हुने मोर्चाले जनाएको छ।
पत्रकार सम्मेलनमा बोल्दै नेपाल कम्युनिष्ट पार्टी पोलिट् ब्युरो सदस्य एवं पुर्वी लुम्बिनी ब्युरो इन्चार्ज बसन्त सीले देशको राजनितिक अबस्था फेरीएको कारण देशमा बिगतमा भएका आन्दोलनको उपलब्धी माथी प्रहार हुने सम्भावना देश तथा विदेशी शक्तीको चलखेल बढ्न लागेको कारण मोर्चाको आवश्यकता रहेको बताए।
माओबादी केन्द्रका सचिव तथा लुम्बिनी प्रदेश ईन्चार्ज हितमान शाक्यले मोर्चाको मुख्य उद्देश्य सरकारको कार्यक्रमलाई सहयोग गरेर जाने भएको बताउदै तत्काल पार्टी एकताको लागी मोर्चा नभएको र कालान्तरमा पार्टी एकताको दिशामा उन्मुख भएको समेत बताए।
संविधानले परिकल्पना गरेको ‘समाजवादउन्मुख’ अर्थराजनीतिक रुपान्तरणका लागि नेपाली मौलिकता अनुरुपको समाजवादी बाटो तय गर्ने लक्ष्यका साथ चार पार्टीले गत असार ४ गते समाजवादी मोर्चा घोषणा गरेका थिए।
मोर्चाको केन्द्रीय कार्ययोजना अनुरुप सातै प्रदेशहरुमा मोर्चाको प्रदेश समिति घोषणा र सन्देश सभा गर्ने कार्यक्रम अनुरुप बुटवलमा कार्यक्रम हुन लागेको हो।
भदौ १०, २०८० आइतबार १२:१७:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
