हुलास वायर ‘संवर्धन समारोह’ भव्य रूपमा सम्पन्न
काठमाडौं : हुलास वायर इण्डष्ट्रिजल लिमिटेडले हुलास वायर ‘संवर्धन समारोह’ भव्य रूपमा सम्पन्न गरेको छ।
कोशी प्रदेशका नवनियुक्त मुख्यमन्त्री उद्धव थापाको प्रमुख आतिथ्यतामा हटहरीमा हुलास वायर ‘संवर्धन समारोह’ भव्य रूपमा सम्पन्न भएको हो।
लामो समयदेखिको प्रख्यात ब्राण्डलाई अझ सुदृढ र परिस्कृत गर्दै लैजाने उदेश्यका साथ कार्यक्रम आयोजना गरिएको कम्पनीले जनाएको छ।
हुलास वायरका ब्राण्ड एम्बेस्डर क्याप्टेन विजय लामा, कोशी प्रदेशका मुख्यमन्त्री उद्धव थापा, हुलास वायरका अध्यक्ष श्रीमती राजलक्ष्मी गोल्छा, तथा प्रबन्ध निर्देशक युक्ति गोल्छाले हुलास वायरको लोगो तथा विज्ञापनको भिडियो सामुहिक रूपमा रिमोटद्वारा स्वीच अन गरी समारोहको उद्घाटन गरे।
कार्यक्रममा लामो समयदेखि कम्पनीमा आबद्ध संघ संस्था एवं हुलास वायरका सदस्यहरूलाई अध्यक्ष राजलक्ष्मी गोल्छा, प्रमुख अतिथि मुख्यमन्त्री उद्धव थापा, ब्रान्ड एम्बेस्डर क्याप्टेन विजय लामा, एमडी युक्ति गोल्छाले स–सम्मान कदरपत्र वितरण गरिएको थियो।
कार्यक्रमको अन्त्यमा कोशी प्रदेशका मुख्यमन्त्री उद्धव थापाले हुलास वायर इण्डष्ट्रिजलाई आगामी दिनमा कम्पनीको उत्तरोत्तर प्रगतिका लागि शुभकामना व्यक्त गरेका थिए।
भदौ ९, २०८० शनिबार १४:२४:५९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
