नेपाल टी-२० सिरिजको उपाधिका लागि आज हङकङसँग भिड्दै

काठमाडौं : चार देश सम्मिलित महिला टी-२० सिरिजको उपाधिका लागि आज नेपालले फाइनलमा हङकङको सामना गर्दैछ। सिरिजको पहिलो खेलमा नेपालले हङकङलाई एक पटक हराइसकेको छ।

फाइनल खेल मलेसियाको बायोमास ओभलमा नेपाली समय अनुसार मध्यान्ह ११:४५ बजे सुरु हुनेछ।

नेपाल सिरिजमा दुई खेल र एक हारपछि ४ अंकसहित तालिकाको शीर्ष स्थानमा रहँदै फाइनलमा पुगेको हो। नेपालले हङकङलाई ६ विकेट र कुवेतलाई ३४ रनले हराएको थियो ।

हङकङको पनि समान ४ अंक भए पनि नेट रनरेटको हिसाबमा दोस्रो स्थानमा रह्यो। नेपालसँग पराजित भएको हङकङले मलेसियालाई १० विकेट र कुवेतलाई १६ रनले हराएको थियो।

उता अन्तिम खेलमा नेपाललाई हराएको मलेसियाको पनि समान ४ अंक नै थियो। तर अन्तिम खेलमा जितका बाबजुद नेट रनरेटमा तालिकामा तेस्रो स्थानमा रहँदा मलेसिया फाइनलमा पुग्न सकेन।

भदौ ९, २०८० शनिबार ०७:१७:११ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।