लगातार दुई खेल जितेको नेपाल आज मलेसियासँग भिड्दै
काठमाडौं : नेपालले आज चार देश सम्मिलित महिला टी-२० सिरिजमा घरेलु टिम मलेसियासँग भिडन्त गर्दैछ। यो खेल मलेसियाको बायोमास ओभलमा नेपाली समय अनुसार दिउँसो ११:४५ बजे सुरु हुनेछ।
सिरिजमा लगातार दुई खेल जितेको नेपाल विजयी यात्रालाई कायमै राख्दै फाइनलमा स्थान पक्का गर्ने दाउमा छ।
नेपालले यसअघि पहिलो खेलमा हङकङलाई ६ विकेट र दोस्रो खेलमा कुवेतलाई ३४ रनले पराजित गरेको थियो।
सुरुवाती दुई खेलमा जित दर्ता गर्दै ४ अंक सहित फाइनलको निकै नजिक रहेको नेपालको यो खेल जित्दै शीर्ष स्थानमा रहेर फाइनलमा पुग्ने योजना छ।
आइसीसी महिला टी-२० विश्वकपको लागि एसिया क्षेत्रको छनोट खेल खेल्नु अगाडि नेपालले यो सिरिज खेलिरहेको छ।
भदौ ८, २०८० शुक्रबार ०७:५८:४२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
