सावित्राको टिम एथेना कपको सेमिफाइनलबाटै बाहिरियो
काठमाडौं : नेपाली स्टार फुटबलर सावित्रा भण्डारी (साम्बा)को क्लब हापोएल रानाना एथेना कपको सेमिफाइनलबाटै बाहिरिएको छ।
गए राति भएको खेलमा किर्यात गातसँग ३-० ले पराजित भएपछि सावित्रा सम्मिलित इजरायली क्लब हापोएल रानाना एथेना कपको फाइनलमा पुग्न सकेन।
बलियो टिम किर्यात गात लिग च्याम्पियन हो भने युरोपेली च्याम्पियन्स लिगको छनोट खेल्ने तयारीमा छ।
खेलमा नेपाली राष्ट्रिय फुटबल टिमकी फरवार्ड सावित्राले राम्रो खेल देखाए पनि उनका गोल गर्ने केही प्रहार सफल हुन सकेन।
अब सावित्राले अर्को हप्ता हुने रानानाको खेलबाट युरोपेली लिगमा डेब्यु गर्ने छिन्।
भदौ ८, २०८० शुक्रबार ०७:३७:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
