रोयल इनफिल्डले पाँच दिन एक्सचेन्ज मेला गर्ने

काठमाडौँ : रोयल इनफिल्डको नेपालका लागि आधिकारिक बिक्रेता अल्फा अटोमोटिभ प्रालीले एक्सचेन्ज मेलाको आयोजना गर्ने भएको छ। कम्पनीले भदौ १० बाट पाँच दिनसम्म शोरुम र डिलरस्थलमा एक्सचेन्ज मेला आयोजना गर्न लागेको हो।

कम्पनीले जारी गरेको विज्ञप्तिमा उल्लेख भए अनुसार ग्राहकहरूलाई मेला स्थलमै बाइक साट्ने र आवश्यक परे मेला स्थलमै फाइनान्सको सुविधा समेत उपलब्ध गराउने तयारी गरिएको छ।

'यी सुविधाहरूले ग्राहकहरूलाई पुरानो दुई पाङ्ग्रे सवारीसाधनसँग नयाँ रोयल इन्फिल्ड मोटरसाइकल साट्न उत्प्रेरित गर्नेछ,' विज्ञप्तिमा भनिएको छ' हाल रोयल इनफिल्डका क्लासिक ३५० सिसी र स्क्रयाम ४११ सिसी मोडेलहरू उपलब्ध छन्।'

रोयल इन्फिल्डले आफ्नो नेपालभरको शोरूम र डिलर पोइन्टमा पाँच दिन मेलाको आयोजना गरेर ग्राहकमाझ मोटरसाइकलको उत्कृष्ट  मुल्यांकनसँगै मेल स्थलमै आवश्यक फाइनान्सको सुविधाका लागि वित्तीय संस्था समेत रहने विज्ञप्तिमा उल्लेख छ।

भदौ ७, २०८० बिहीबार १७:३४:१४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।