पहिलो खेलमा हङकङलाई हराएको नेपाल आज कुवेतसँग भिड्दै
काठमाडौं : नेपालले चार देश सम्मिलित महिला टी-२० सिरिजको दोस्रो खेलमा आज कुवेतसँग भिडन्त गर्दैछ। खेल मलेसियाको बायोमास ओभल मैदानमा नेपाली समय अनुसार मध्यान्ह ११:४५ सुरु हुनेछ।
मंगलबार पहिलो खेलमा हङकङलाई हराएको नेपाल लगातार दोस्रो जित हात पार्ने योजनामा छ। पहिलो खेलमा हङकङलाई ६ विकेटले हराएको थियो।
उता कुवेत भने पहिलो खेलमा मलेसियासँग ८ विकेटले पराजित भएको थियो। आजको खेलमा जित हात पारेमा नेपालको सिरिजको फाइनल यात्रा लगभग पक्का हुनेछ।
सिरिजमा नेपाल, आयोजक मलेसिया, कुवेत र हङकङ र नेपाल गरी चार टिम सहभागी छन्। जसमध्ये शीर्ष दुई टिमले उपाधिका लागि फाइनलमा भिडन्त गर्ने छन्। फाइनल शनिबार हुनेछ।
भदौ ६, २०८० बुधबार ०८:०६:१६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
