विपीनको जन्मदिनमा ‘पशुपति प्रसाद २: भष्मे डन’ को टिजर सार्वजनिक
काठमाडौं : फिल्म ‘पशुपति प्रसाद २: भष्मे डन’ को टिजर सार्वजनिक भएको छ।
अभिनेता विपीन कार्कीको जन्मदिनको अवसर पारेर फिल्मको टिजर सार्वजनिक गरिएको हो। सार्वजनिक टिजरमा विपीन कार्कीलाई भष्मे डनको अवतारमा प्रस्तुत गरिएको छ।
टुकी आर्टस् ब्यानरमा निर्माण भएको फिल्ममा विपीन कार्की, सौगात मल्ल, स्वस्तिमा खड्का, वर्षा सिवाकोटी, प्रकाश घिमिरे, रविन्द्र सिंह बानियाँ, सजन थापा मगर, प्रकाश दाहाल, विशु पौडेल, माओत्से गुरुङ, लोकेन्द्र लेखक, विशाल पहारी, घनश्याम जोशीलगायत कलाकारको अभिनय छ।
खगेन्द्र लामिछानेको कथा निर्माण रहेको फिल्मलाई दिपेन्द्र के खनालले निर्देशन गरेका हुन्। कृष्णबहादुर थापाले छायांकन गरेको फिल्मलाई बनिष शाहले सम्पादन गरेका छन्। यो फिल्म आगामी दशैंको फूलपातीदेखि प्रदर्शन हुनेछ।
फिल्म २०७३ सालमा रिलिज भएको ‘पशुपति प्रसाद’को सिक्वेल हो।
भदौ ५, २०८० मंगलबार २०:१३:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
