‘दंगल’का रेकर्ड तोड्दै ‘केजीएफ २’ तर्फ अघि बढ्दै ‘गदर २’

एजेन्सी : सनी देओलको फिल्म ‘गदर २’ ले बक्स अफिसमा रेकर्ड बनाइरहेको छ।

रिलिज भएको ११ दिनमा सन्नी देओल र अमिषा पटेल अभिनित फिल्मले ३५० करोडभन्दा बढीको कमाइ गरेको भारतीय फिल्म ट्रेड एनालिस्ट तरण आदर्शले जानकारी दिए।

‘गदर’ सुपरहिट भएदेखि नै फ्यानहरू ‘गदर २’ को प्रतिक्षामा थिए। निर्माताहरूले ११ अगस्टमा फ्यानको यो मागलाई पूरा पनि गरे। फिल्मले बक्स अफिसमा अक्षय कुमारको ‘ओएमजी २’सँग प्रतिस्पर्धासमेत गर्नुपर्यो।

तर फिल्म रिलिजको ११औं दिनसम्म पनि फिल्मले बक्स अफिसमा राज गरिरहेको छ। ११औं दिन फिल्मले बक्स अफिसमा १३.५० करोड कमायो। योसँगै फिल्मको कुल कलेक्सन ३८८.६० करोड नाघेको छ।

फिल्मले आमिर खानको फिल्म ‘दंगल’को बक्स अफिस रेकर्ड तोडेको हो। ‘दंगल’ ले बक्स अफिसमा ३८७.२८ करोड भारु कलेक्सन गरेको थियो।

भदौ ५, २०८० मंगलबार १९:३१:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।