‘मिस युनिभर्स नेपाल २०२३’ का २२ अन्तिम प्रतिस्पर्धीहरू सार्वजनिक
काठमाडौं : उमंग क्रियसनको आयोजनामा ‘एसियन पेन्ट्स मिस युनिभर्स नेपाल २०२३’ का अन्तिम प्रतिस्पर्धीहरू सार्वजनिक भएका छन्।
एक समारोहका बिच पाँच सय जना प्रतिस्पर्धीहरू मध्ये दुईजना विवाहित महिला र एक जना ट्रान्स महिलासहित २२ जना प्रतिस्पर्धीहरू सार्वजनिक भएका हुन्।
‘एसियन पेन्ट्स मिस युनिभर्स नेपाल २०२३’ को फाइनल भदौँ २३ गते गोदावरीको कन्फेन्स सेन्टरमा आयोजना हुने उमंग क्रियसनका म्यानेजिङ डाइरेक्टर उद्धव अधिकारीले बताए।
प्रतिस्पर्धीहरूलाई आत्मविश्वासका साथै सुन्दरीहरूको प्रतिमूर्तिका रूपमा स्थापित हुनका लागि यो उत्कृष्ट अवसर भएको अधिकारीले बताए।प्रतिस्पर्धीहरूलाई प्रशान्त ताम्राकारको कोरियोग्राफिमा प्रस्तुत गरिएको थियो।
प्रतिस्पर्धीहरूमा प्राप्ति खड्का, सबिना चौधरी, च्यानल श्रेष्ठ, प्रेमा लामगडे, डा.पुजा भगत, रोजिना काफ्ले, गरिमा घिमिरे, पलिष्ट बज्राचार्य, डा.अमिषा बस्नेत, संस्कृति क्षेत्री कार्की, तृष्णा बाँनिया, बुद्धसार सुनार, पुजा पौडेल, जेन दीपिका ग्यारेट, मनिता पासवान, सुष्मा आरएल शाही, अभिलाषा लम्साल, एलिस्टा सुवेदी, मौसमी श्रेष्ठ रहनुको सहभागीता थियो।
२२ जना अन्तिम प्रतिस्पर्धीहरू मध्येबाट विजेताले नोवेम्बरमा एलसाल्वा डोरमा हुने हुने मिस युनिभर्समा नेपाललाई नेपालको तर्फबाट प्रतिनिधित्व गर्ने छन्।
भदौ ४, २०८० सोमबार १५:४४:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
