मिस युनिभर्स नेपालका २२ जना अन्तिम प्रतिस्पर्धी सार्वजनिक
काठमाडौं : उमंग क्रियसनको आयोजनामा ‘एसियन पेन्ट्स मिस युनिभर्स नेपाल २०२३’ का २२ जना अन्तिम प्रतिस्पर्धीहरू सार्वजनिक भएका छन्।
एक समारोहकाबीच पाँच सय जना प्रतिस्पर्धीहरूमध्ये २२ जना अन्तिम प्रतिस्पर्धीहरू सार्वजनिक भएका हुन्।
जसमा देश विदेशमा रहेका नेपाली महिला सुन्दरीहरूको सहभागिता रहेको थियो। २२ जनामध्ये दुईजना विवाहित महिला र एक जना ट्रान्स महिलाको समेत सहभागिता रहेको छ।
मिस युनिभर्स नेपालको फाइनल भदौ २३ गते गोदावरीको कन्फेन्स सेन्टरमा आयोजना हुने, उमंग क्रियसनका म्यानेजिङ डाइरेक्टर उद्धव अधिकारीले बताए।
प्रतिस्पर्धीहरूलाई प्रशान्त ताम्राकारको कोरियोग्राफीमा प्रस्तुत गरिएको थियो। प्रतिस्पर्धीहरूमा प्राप्ति खड्का, सबिना चौधरी, च्यानल श्रेष्ठ, प्रेमा लामगडे, डा. पुजा भगत, रोजिना काफ्ले, गरिमा घिमिरे, पलिष्ट बज्राचार्य छन्।
यस्तै, डा. अमिषा बस्नेत, संस्कृति क्षेत्री कार्की, तृष्णा बाँनिया, बुद्धसार सुनार, पुजा पौडेल, जेन दीपिका ग्यारेट, मनिता पासवान, सुष्मा आरएल शाही, अभिलाषा लम्साल, एलिस्टा सुवेदी, मौसमी श्रेष्ठ पनि उत्कृष्ठ २२ मा छानिएका छन्।
२२ जना अन्तिम प्रतिस्पर्धीहरू मध्येबाट विजेताले नोवेम्बरमा एलसाल्वा डोरमा हुने हुने मिस युनिभर्समा नेपाललाई नेपालको तर्फबाट प्रतिनिधित्व गर्ने छन्।
भदौ ४, २०८० सोमबार १२:०७:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
