१० खेलाडीमा समेटिए पनि लिभरपुलको जित
एजेन्सी : लिभरपुलले १० खेलाडीमा समेटिए पनि इंग्लिस प्रिमियर लिगमा जित हात पारेको छ। शनिबार राति भएको खेलमा लिभरपुलले बर्नमाउथ विरुद्ध ३-१ को पुनरागमन जित निकाल्यो।
लिभरपुलको घरेलु मैदानमा अग्रता भने खेलको तेस्रो मिनेटमा नै बर्नमाउथले सेमेन्योको गोलमार्फत कायम गरेको थियो।
तर लिभरपुल खेलमा फर्कियो। पहिलो हाफमै डियाज र सलाहले गोल गर्दै लिभरपुललाई २-१ को अग्रता दिलाएका थिए।
यसपछि खेलको ५८ औं मिनेटमा मकालिस्टर रातो कार्ड खाँदै मैदान बाहिरिएपछि लिभरपुल १० खेलाडीमा समेटियो।तर लगत्तै जोटाले गोल गर्दै लिभरपुलको ३-१ को जित पक्का गरे।
भदौ ३, २०८० आइतबार ०८:२४:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
