एसिया कप : नेपाल र पाकिस्तानबीचको खेलको भीभीआईपी र भीआईपी सबै टिकट सोल्ड आउट
एजेन्सी : नेपालले भदौ १३ (आगष्ट ३०) मा एसिया कपमा पाकिस्तानसँग खेल्ने खेलको भीभीआईपी र भीआईपी सबै टिकट सकिएका छन्।
नेपाल र पाकिस्तानको खेल मुल्तान क्रिकेट स्टेडियममा हुनेछ। उक्त रंगशाला ३५ हजार दर्शक क्षमताको छ। पाकिस्तान क्रिकेट बोर्डले बिक्रीमा राखिएका भीभीआईपी लेभल बी र ए दुवैका टिकट सकिएको जनाएको छ।
उक्त भीभीआईपी स्थानको लागि टिकट मूल्य ५० डलर (६ हजार ६ सय ५० रुपैयाँ) राखिएको थियो। सबै टिकट सोल्ड आउट भएका छन्।
भीआइपी ए र बी लोवेर ४० डलर (५ हजार ३ सय १९) रुपैयाँ राखिएको थियो। ए र बी दुवै भीआईपी टिकट सोल्ड आउट भएका छन्।
पाकिस्तानले नेपालसँगको खेलको लागि ८ विभिन्न स्थानको लागि टिकट राखेको थियो। एसिया कप अगष्ट ३० देखी १७ सेप्टेम्बरसम्म श्रीलंका र पाकिस्तानमा हुनेछ।
भदौ २, २०८० शनिबार १४:४७:०२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
