गदर-२ को पहिलो हप्ताको कमाईको आँकडा सार्वजनिक, कति कमायो?

काठमाडौं : भारतीय अभिनेता सनी देओलको फिल्म गदर–२ को पहिलो हप्ताको कमाईको आँकडा सार्वजनिक भएको छ।

फिल्म समीक्षक तरण आदर्शले सामाजिक सञ्जालमा गदर–२ ले पहिलो हप्तामा करिब २८४ करोड कमाएको बताएका छन्।

तरणले शुक्रबार यो फिल्मले ३ सय करोड कमाइ पूरा गर्ने बताएका छन्।

गदर–२ फिल्म ११ अगस्टमा रिलिज भएको थियो। यो फिल्मसँगै अक्षय कुमारको ओएमजी–२ पनि थिएटरमा रिलिज भएको थियो।

गदर–२ ले भारतीय सिनेमाको इतिहासमा पनि नयाँ कीर्तिमान बनाएको छ।

अगस्ट १५ मा कुनै पनि भारतीय फिल्मले ५५ करोड कमाउन सकेको छैन। तर, गदर–२ ले यो उपलब्धि साउन १५ गते गरेको छ।

मल्टिप्लेक्सबाहेक गदर–२ फिल्मले सिंगल स्क्रिन थिएटरमा पनि राम्रो कमाइ गरिरहेको छ।

लामो समयपछि सिंगल स्क्रिन थिएटरमा फिल्मले यति धेरै कमाइ गरेको तरण आदर्शको भनाइ छ।

‘गदर–२’ सन् २००१ मा रिलिज भएको फिल्म ‘गदर’को सिक्वेल हो। अनिल शर्माले निर्देशन गरेको फिल्ममा सनी देओलका अलावा अमिषा पटेल पनि छिन्।

भदौ १, २०८० शुक्रबार १९:४०:३५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।