एसिया कप खेल्न नेपाली टोली अर्को हप्ता पाकिस्तान जाने, सन्दीपबारे अन्योल
काठमाडौं : एसिया कप क्रिकेट खेल्नका लागि नेपाली राष्ट्रिय क्रिकेट टोली अर्को हप्ता पाकिस्तान जाने भएको छ।
नेपाल क्रिकेट संघ (क्यान)का अनुसार नेपाली टिमलाई पाकिस्तान पठाउने तयारी भइरहेको छ।
‘अहिले नै मिति तय भैसकेको छैन सम्भवतः २३ तारिख टिमलाई पठाउने तयारी रहेको छ’, क्यानका एक पदाधिकारीले भने।
एसिया कप अगाडि नेपाली टोलीले पाकिस्तानसँग केही अभ्यास खेलाउने र थप वार्म अपको लागि टिमलाई १ हप्ताअघि नै पाकिस्तान पठाउने तयारी क्यानले गरेको ति पदाधिकारिले भने।
एसिया कप आउँदो अगष्ट ३१ बाट सुरु हुँदैछ। सिजनको पहिलो खेल नेपालले पाकिस्तानसँग खेल्दै प्रतियोगिताको सुरुवात गर्नेछ।
नेपालका लागि क्यानले एसिया कपका लागि १७ सदस्यीय टोली घोषणा गरिसकेको छ। टोलीमा रहेको सन्दीप लामिछानेका बलात्कार मुद्दाको पेसी सरेकाले उनी पाकिस्तान जाने नजाने अन्योल छ।
भदौ १, २०८० शुक्रबार १५:०१:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
