काठमाडौंबाट २२ जना जुवाडे पक्राउ
काठमाडौं : काठमाडौं महानगरपालिका-१४ बल्खुमा जुवातास खेलिरहेको अवस्थामा ७ जना जुवाडेलाई प्रहरीले पक्राउ गरेको छ ।
विशेष सूचनाको आधारमा प्रहरी वृत्त कालीमाटीबाट खटिएको प्रहरीले बुधबार दिउँसो उनीहरूलाई नगद ७२ हजार रूपैयाँ र १२ बुक तासबुकसहित पक्राउ गरेको हो ।
यसैगरी काठमाडौं महानगरपालिका–६ कपन सरस्वतीनगरमा जुवातास खेलिरहेको अवस्थामा १५ जनालाई बुधबार राति प्रहरीले पक्राउ गरेको छ ।
विशेष सूचनाको आधारमा प्रहरी प्रभाग कपनबाट खटिएको प्रहरीले उनीहरूलाई नगद १ लाख ४५ हजार ४ सय रूपैयाँ र ६ बुक ताससहित पक्राउ गरेको हा । दुवै घटनाबारे थप अनुसन्धान भइरहेको प्रहरीले जनाएको छ ।
साउन ३२, २०८० बिहीबार १२:३०:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।