म्यानचेस्टर सिटीले जित्यो सिजनको पहिलो उपाधि
एजेन्सी : इंग्लिस क्लब म्यानचेस्टर सिटीले सिजनको पहिलो उपाधिको रुपमा युफा सुपर कपको उपाधि जितेको छ। गएराति भएको खेलमा स्पेनिस क्लब सेभियालाई टाइब्रेकरमा ५–४ ले हराउँदै सिटीले उपाधि उचालेको हो।
खेलको निर्धारित समय १–१ गोलको बराबरीमा सकिएको थियो। खेलमा अग्रता भने न्यास्रीको गोलमार्फत सेभियाले खेलको २५ औं मिनेटमा कायम गरेको थियो। तर ६३ औं मिनेटमा पाल्मेरले सिटिको लागि बराबरी गोल फर्काए।
यसपछि खेलको निर्णय टाइब्रेकरबाट भएको थियो। जहाँ सेभियाको अन्तिम पेनाल्टी प्रहार गोलमा परिणत हुन नसक्दा सिटी ५-४ ले विजयी भयो।
च्याम्पियन्स लिगको उपाधि विजेताको रुपमा सिटी र युरोपा लिगको च्याम्पियनको रुपमा सेभिया युफा सुपर कपको उपाधिका लागि भिडेका हुन्।
साउन ३२, २०८० बिहीबार ०७:५१:५८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
