‘गणपति’ को ट्रेलरमा कमेडी र सेन्टिमेन्ट

काठमाडौं : मुकुन भुसाल अभिनित फिल्म ‘गणपति’को ट्रेलर सार्वजनिक गरिएको छ।

भदौ १४ गते प्रदर्शन हुने फिल्मको तीन मिनेट लामो ट्रेलरमा निःसन्तान दम्पतिको पुत्र जन्मिएपछिको परिस्थितिलाई देखाउन खोजिएको छ।

सबिन अधिकारीको लेखन र निर्देशनमा बनेको फिल्ममा कमेडी र सेन्टिमेन्ट भरपुर देखाउन खोजिएको छ।

रिजाल एण्ड रिजाल प्रोडक्शनको ब्यानरमा रामप्रसाद रिजालको प्रस्तुति रहेको फिल्मको निर्मातामा लक्ष्मण रिजाल, कार्यकारी निर्माता विज्ञान केसी र अर्बिन्द्र गिरी र सहनिर्मातामा चर्चित फिल्म एडिटर बनिष शाह छन्।

फिल्ममा मुुकुन भुसाल, मेनुका प्रधान, राजाराम पौडेल, सूर्यमाला खनाल, स्व.जयनन्द लामा, सुशील पोखरेल, प्रकाश घिमीरे, पुस्कर गुरुङ, अंशु मानन्धर, कविता न्यौपाने, देवेन्द्र बब्लु, कालु रानाका साथमा अतिथी भूमिकामा अभिनेत्री बर्षा शिवाकोटीको अभिनय छ।

रोनाल्ड श्रेष्ठ क्रिएटिभ हेड रहेको फिल्मको ट्रेलरमा प्रमुख सबै कलाकारलाई समेटिएको छ।

तनहुँ जिल्लाका विभिन्न स्थानमा हरिबहादुर घलेले खिचेको फिल्मका गीतमा अनिश अधिकारी, शंकर अधिकारी घायल, देबेन्द्र बब्लु, बाबुल गिरी र सबिन अधिकारीको शब्द अनि अनिश अधिकारीको संगीत छ।

विपिन मल्लले सम्पादन गरेको फिल्मको कोरियोग्राफर कविराज गहतराज हुन्। फिल्मको बितरण श्रीराम बालाजी फिल्मस् र एफडीले गर्दैछ।

साउन ३०, २०८० मंगलबार १४:३४:३६ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।