रोनाल्डोबिनाको अल नासर साउदी लिगको पहिलो खेलमा पराजित, स्टेभेन जेराडको टिमले हरायो
१ वर्ष अघि
एजेन्सी : रोनाल्डोबिना मैदानमा उत्रेको अल नासरले साउदी लिगको नयाँ सिजनको पहिलो खेलमै हार भोगेको छ।
यसै साता मात्र अरब कपको उपाधि जितेको अल नासरको लिगको सुरुवात भने राम्रो भएन। गए राति भएको खेलमा गत सिजनको लिगको उपविजेता अल नासर अल इतिफकसँग २-१ ले पराजित भयो।
अरब कपको फाइनलमा घाइते भएका रोनाल्डोले यो खेलमा मैदान बाहिर थिए।
खेलको चौथो मिनेटमा नै साडियो मानेले गोल गर्दै अल नासरलाई अग्रता दिलाएका थिए। तर दोस्रो हाफमा दुई गोल गर्दै घरेलु टिम अल इतिफकले खेल जित्यो।
साउन ३०, २०८० मंगलबार ०९:०८:०७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
