च्याम्पियन बार्सिलोनाले सिजनको पहिलो खेलमा गोल गर्न सकेन
एजेन्सी : डिफेन्डिङ च्याम्पियन बार्सिलोनाले स्पेनिस लिगको नयाँ सिजनको सुरुवात खराब गरेको छ। लिगको पहिलो खेलमा बाेर्सा गेटाफेसँग गोलरहित बराबरीमा रोकियो।
गेटाफेको घरेलु मैदानमा आइतबार राति भएको खेलमा बार्सिलोनाको दबाब रहे पनि गोल भने गर्न सकेन।
तनावपूर्ण खेलमा दुवै टिमबाट एक एक खेलाडीले रातो कार्ड पाएका थिए। बार्सिलोना पहिलो हाफमा नै १० जनामा समेटिएको थियो भने प्रशिक्षक जाभी हर्नान्डेजले पनि मैदान छाड्नुपरेको थियो।
जर्मन मिडफिल्डर गुन्डोगनको डेब्यु खेल समेत रहेको यो खेलमा अन्ततः बार्साले अक बाँड्यो।
साउन २९, २०८० सोमबार ०९:२८:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
