बोल्ड अभिनेत्री अदितिले अभिनयमा कहिले पाउँछिन् सफलता!

काठमाडौँ : बोल्डनेसमा ब्युटी थपियो भने अदिति बुढाथोकी भइन्छ। त्यही देखाउँछ उनका इन्स्टा बोल्ड एन्ड ब्युटिफुल तस्बिरहरू। मुम्बइमा व्यस्त रहेको उनका पछिल्ला तस्बिरहरू मालदिभ्सका समुन्द्री किनारका हुन्। मौसमको तापमान चर्कै गर्मी हुनु स्वाभाविकै हो। त्यसमा अदितिले तापक्रम बढाइदिएझै देखिन्छ तस्बिरहरू।

र ब्युटीमा उनी भाग्यमानी देखिए पनि बलिउडमा डेब्यु भने हुन सकिनन् अझैँ। म्युजिक भिडियोहरू अनि ग्लामर फोटोग्राफीमा जमेको देखिन्छ उनी। तर ठुलो पर्दामा डेब्युको अझै मौका पाइनन् उनले।

पर्दा अलि अफापै हो कि जस्तो पनि देखिन्छ उनको हकमा नेपालमा दुई फिल्म अभिनय गरेकी उनले सफलता चाख्नै पाइनन्। बाबरीले उनको असफलताको रेकर्ड तोड्छ कि भन्ने सङ्केत नदेखाएको हैन। तर तोडेन। उनी मुम्बई नै फर्किइन्।

फिल्म बाबरीबाट उनले कति धेरै आस गरेकी थिइन् भन्ने त अहिलेसम्म इन्टाग्रामको पिन पोस्टमा बाबरीकै पोस्टर हुनुले पनि देखाउँछ।

जीवन भनेकै लड्नु अनि उठ्नको क्रम न हो। लडियो भनेर हिम्मत छाड्ने हो भने उठ्न सकिन्न। अदितिको स्वभाव हेर्दा उनी सरेन्डर गरिहाल्ने जस्तो पनि देखिन्न। बाबरीको रेकर्ड तोड्न तेस्रो प्रयास गर्नै पर्छ। सायद गर्छिन् पनि कि !

साउन २८, २०८० आइतबार २३:४५:३५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।