पेरुको आकाशमा 'एलियन' देखिएको दाबी, सरकारी अधिकारी भन्छन्'सुन तस्कर हुन्'

पेरुमा ७ फिट लामो उड्ने 'एलियन' देखिएको दाबी सार्वजनिक भएको छ। गत साता गाउँका मानिसहरूले आफूले एलियन उडिरहेको देखेको दाबी गरेका थिए। ती एलियनहरूले गाउँलेहरूलाई आक्रमण गरेको र उनीहरूको अनुहारमा क्षति पुर्याएको दाबी गरिएको छ।  

मानिसहरूले एलियनहरूलाई पेलाकर अर्थात् अनुहार खाने व्यक्ति पनि भनेका छन्। 

तर, जब यो कुरा पेरुभियन अधिकारीहरूमा पुग्यो, उनीहरूले भने ती व्यक्तिहरू एलियन नभई वास्तवमा अमेरिकाका विभिन्न भागबाट अवैध सुन खानी चलाउने गिरोहका सदस्य भएको दाबी गरेका छन्।

पेरुको राष्ट्रिय अभियोजकको कार्यालयले भनेको छ-तिनीहरू विदेशी आक्रमणकाहरीहरू हुन्। अहिले तिनीहरूको अनुसन्धान गर्न सुन माफियालाई ट्र्याक गर्ने प्रयास गरिएको छ। 

गिरोहका सदस्यहरू विदेशी पोशाक लगाएर आउँदै

डेली मेलको रिपोर्ट अनुसार सुन माफियाले गाउँका मानिसहरूलाई डराउन विभिन्न पोशाक लगाएर जेटप्याकको सहायताले आक्रमण गरिरहेका छन्। यसबाट मानिसहरू सुन खानी नजिक कम बस्न थालेका छन्। 

न्युयोर्क पोस्टका अनुसार स्थानीय मानिसको समूह 'इकितु'ले जुलाई ११ तिर एलियनहरूको घेराबन्दी सुरु भएको थियो।अधिकारीहरुका अनुसार अवैध उत्खनन माफियाले १५ वर्षीया बालिकालाई साउन २९ गते अपहरण गर्ने प्रयास गरेको थियो। यसै क्रममा उनको घाँटीमा आक्रमण भएको थियो। 

इकितुका नेताले भने- गोलीले असर गरेको छैन 

इकितुका नेता जाइरो अविलाले आकाशमा उडिरहेका यी मानिसहरू वास्तवमा एलियन भएको दाबी गरेका छन्। उनले भने, 'मैले यी जीवहरूलाई २ पटक गोली हाने तर पनि कुनै हानि भएन। तर, उक्त क्षेत्रको एक विद्यालयमा कार्यरत एक शिक्षकले स्थानीय रेडियो प्रसारक आरपीपीलाई आफूले ती मानिसहरूलाई आफ्नो उपकरण प्रयोग गरेर जमिनबाट उडेको देखेको बताएका छन्। 

माफियाले अत्याधुनिक प्रविधि र उपकरण प्रयोग गरी गाउँलेलाई डराउने गरेको अनुसन्धान अधिकारीले बताएका छन्। यसमा प्रोपेलर, थ्रस्टर र जेटप्याकहरू समावेश छन्। डेली मेलका अनुसार अवैध उत्खनन गिरोहको ८० प्रतिशत समूह नानय नदीको किनारमा बसेका छन्। यहीँबाट उनीहरूले आफ्नो कार्य सञ्चालन गरिरहेका छन्। 

यसै क्रममा एलियन भएको दाबी गर्ने इकितु नेताले ७ फिट लामो उड्ने प्राणीको टाउको ठूलो र हरियो रङ भएको बताएका छन्। उनको जुत्ता गोलाकार रहेको र उनको कुर्कुच्चामा रातो बत्ती बलिरहेको थियो। नेता अविलाले भने, 'एलियनहरू पहेँलो आँखा भएका थिए र आक्रमण गरेपछि धेरै छिटो भाग्ने गर्थे।' 

माफियाको डरका कारण इकितुवासीले दैनिकीमा निकै समस्या भोगिरहेका छन्। यसैलाई मध्यनजर गर्दै अहिले समूहका मानिसहरूले नानय नदी नजिक पहरा दिन थालेका छन्।

इन्टरपोलले भन्यो, 'लागुऔषधभन्दा अवैध सुन उत्खननमा नाफा बढी हुन्छ'

लागुऔषध तस्करीभन्दा सुनको अवैध व्यापार बढी लाभदायक हुने इन्टरपोलको २०१६ को प्रतिवेदनले भनेको छ। त्यसैले लागुऔषध तस्करीमा कडाइका कारण सुनको अवैध उत्खननमा माफियाहरूले पनि कम खतरा महसुस गरेका हुन सक्छन्।

कारीगर सुन खानी अनुगमन गर्ने एजेन्सी एजीसीले अहिले यो ३०-४० अर्ब डलरको उद्योग भएको बताएको छ।

पेरुसँग ल्याटिन अमेरिकामा सबैभन्दा ठूलो सुनको भण्डार छ। एजीसीका अनुसार यहाँबाट बर्सेनि १५० मेट्रिक टन सुन बाहिरिने गरेको छ।

युएसएआईडीका अनुसार यी क्षेत्रमा करिब ४० हजार अवैध सुन खानी छन्। सन् २०२३ मा अहिलेसम्म सुन निकासीका लागि प्रयोग हुने ११० अवैध मेसिन र १० खानी शिविर ध्वस्त भएका छन्।

एजेन्सीको सहयोगमा

साउन २८, २०८० आइतबार २१:२७:३९ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।