जनमतलाई सरकारमा ल्याउन अमनलाल मोदीलाई मन्त्रीबाट हटाउने निर्णय
काठमाडौँ : नेकपा माओवादी केन्द्रले संघीय मामिला तथा सामान्य प्रशासनमन्त्री अमनलाल मोदीलाई सरकारबाट फिर्ता बोलाउने निर्णय गरेको छ ।
आइतबार प्रधानमन्त्रीनिवास बालुवाटारमा बसेको पदाधिकारी बैठकले मोदीलाई फिर्ता बोलाउने निर्णय गरेको हो।
प्रधानमन्त्री पुष्पकमल दाहाल 'प्रचण्ड' जनमत पार्टीलाई सरकारमा ल्याउन प्रयासरत छन्। जसलाई सत्ता गठबन्धनले पनि साथ दिएको छ। मोदीको ठाउँमा जनमत पार्टी सरकारमा जाने भएको हो।
अब जनमत पार्टीकी नेतृ अनिता देवी संघीय मामिला तथा सामान्य प्रशासन मन्त्री बन्ने देखिएको छ।
साउन २८, २०८० आइतबार १७:५४:५२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
