रजनीकान्तको फिल्म ‘जेलर’ रिलिज हुने दिन चेन्नई र बैंगलोरमा बिदा
एजेन्सी : रजनीकान्तको फिल्म ‘जेलर’ रिलिज हुने दिन चेन्नई र बैंगलोरका कार्यालयहरूले कर्मचारीहरूलाई बिदा दिएका छन्।
रजनीकान्तको फिल्म ‘जेलर’ अगस्ट १० मा रिलिज हुन लागेको हो। सो दिन चेन्नई र बैंगलोरका धेरै कार्यालयहरूले बिदा दिने निर्णय गरेका छन्।
कार्यालयमा बिदा मात्र हैन कर्मचारीहरूलाई फिल्म हेर्न निःशुल्क टिकट समेत दिइएको छ। रजनीकान्तको फिल्म २ वर्षपछि रिलिज हुन लागेको हो।
फिल्म जेलरमा उनी फुल एक्सन भूमिकामा देखिँदैछन्। यो उनको १६९ औँ फिल्म हो। यही कारण फिल्मको नाम पहिले थलाइवा १६९ राखिएको थियो। पछि फिल्मको नाम बदलेर जेलर राखियो।
साउन २४, २०८० बुधबार २२:३०:४१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
