सुजुकीले साउन २४ देखि ‘मनसुन फ्री सर्भिस क्याम्प’ सञ्चालन गर्ने
काठमाडौं : नेपालको लागि सुजुकी गाडीको आधिकारिक बिक्रेता सीजी मोटोकर्पले यही साउन २४ देखि २६ गतेसम्म ‘मनसुन फ्री सर्भिस क्याम्प’को आयोजना गर्ने भएको छ।
मनसुन मौसममा हुने लगातार वर्षाले कुनै पनि सवारी साधनमा नकारात्मक प्रभाव पार्नसक्ने हुनाले यसमा ध्यान पुर्याउन सर्भिस क्याम्प आयोजना गर्न लागेको कम्पनीले जनाएको छ।
सर्भिस क्याम्प अवधिभर सुजुकीका ग्राहकले आफ्नो गाडीको सर्भिसमा आकर्षक छुट र अन्य अफर पाउनुको साथै ४ जना भाग्यमानी ग्राहकले चितवनस्थित टाइगर ल्यान्ड सफारी रिसोर्टमा होलिडे प्याकेज पनि जित्न सक्ने छन्।
सर्भिस क्याम्पमा ग्राहकलाई निःशुल्क एसी/ हिटर चेक, ब्याट्री चेक र ओभरअल चेकअपको सुविधा छ। त्यसैगरी, एसडीटी डायग्नोसिस र ह्विल एलाइनमेन्टमा ५० प्रतिशत, लेवर चार्जमा २० प्रतिशत र एसोसरिजमा, स्पेयर पार्टस् तथा इन्जिन आयलमा १० प्रतिशत छुटको व्यवस्था छ।
सुजुकीको मनसुन फ्री सर्भिस क्याम्प नेपालभरीका सबै ५४ सुजुकी सर्भिस सेन्टरमा हुनेछ।
साउन २३, २०८० मंगलबार १७:२५:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
