नेपाल इलेक्ट्रिक तथा इलेक्ट्रोनीक्स अन्तर्राष्ट्रिय प्रदर्शनी काठमाडौंमा हुने
काठमाडौं : नेपालमा भदौ १५ गते देखि इलेक्ट्रिक तथा इलेक्ट्रोनीक्स अन्तर्राष्ट्रिय प्रदर्शनी हुने भएको छ। विद्युत, विद्युतीय उपकरण, र उर्जासँग सम्बन्धित प्रदर्शनीको दोस्रो संस्करण हो।
भृकुटीमण्डपको प्रदर्शनी हलमा इलेक्ट्रिक, इलेक्ट्रोनीक्स, पावर, लाइट, कन्जुमर इलेक्ट्रोनीक्स तथा होम अपलायनसेस सम्बन्धी वृहत् अन्तर्राष्ट्रिय प्रदर्शनी आयोजना हुन लागेको हो।
मिडिया स्पेस सोलुसन्स्, एक्जिबिसन एन्ड ट्रेड सर्भिसेस तथा फ्युचरेक्स ट्रेड फेयर्स एन्ड इभेन्ट्स्को संयोजकत्वमा हुन लागेको यो नेपालको एकमात्र वृहत् अन्तर्राष्ट्रिय उर्जा र विद्युतसँग सम्बन्धित प्रदर्शनी हो।
यो अन्तर्राष्ट्रिय प्रदर्शनीमा आगन्तुकहरूलाई प्रवेश निःशुल्क गराइएको छ। साथै विद्युत, विद्युतीय उपकरण र बत्तीसँग सम्बन्धित क्षेत्रहरूमा प्राविधिक सामग्री र ज्ञान साझेदारी निर्माण गर्ने उद्देश्यसहितको सम्मेलनका कार्यक्रमहरू पनि गराइनेछ।
साउन २३, २०८० मंगलबार १७:१४:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
