एएफसी कपमा आज मच्छिन्द्र क्लब भुटानको पारोसँग भिड्दै
काठमाडौं : नेपालको तर्फबाट एएफसी कपको प्रारम्भिक छनोट खेल खेल्न लागेको मच्छिन्द्र फुटबल क्लबले मंगलबार (आज) भुटानको पारो फुटबल क्लबसँग भिडन्त गर्दैछ। खेल साँझ ५:३० बजे दशरथ रंगशालामा हुनेछ।
पारो भुटानको लिग च्याम्पियन हो भने मच्छिन्द्र नेपालको ए डिभिजन लिगको उपविजेता टिम हो। लिग च्याम्पियन चर्च ब्वाइजसँग एएफसी क्लब लाइसेन्स नभएकाले मच्छिन्द्रले एएफसी कप खेल्न पाएको हो।
एएफसी कपकै लागि भनेर मच्छिन्द्रले लिग खेलेको आफ्नो टिममा अन्य टिमका धेरै नयाँ खेलाडी थपेको छ। मच्छिन्द्रका कप्तान विशाल श्रेष्ठले पारो भुटानको च्याम्पियन टोली भएकाले सहज रुपमा नलिने र राम्रो नतिजा निकाल्ने बताएका छन्।
यो खेल जितेमा मच्छिन्द्रको अर्को चरणमा भेट भारतको मोहन बगान क्लबसँग हुनेछ।
साउन २३, २०८० मंगलबार ११:५०:२९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
