मेस्सी चम्किएको खेलमा इन्टर मियामीको नाटकीय जित, पुग्यो क्वार्टरफाइनलमा

लियोनल मेस्सीले उत्कृष्ट प्रदर्शन गरेपछि इन्टर मियामी एफसी ड्यालसलाई ट्राइबेकरमा हराउँदै लिग्स कपको क्वार्टरफाइनलमा प्रवेश गरेको छ।  

आज बिहान सकिएको अन्तिम १६ को खेलमा मेस्सी नायक सावित भए। मेस्सीले छैटौँ र ८५ औं मिनेटमा दुई गोल गरे। 

मेस्सीले आज पनि आकर्षक फ्रिकमार्फत ८५ औं मिनेटमा व्यक्तिगत दोस्रो गोल गरे। उनको गोलमा मियामीले छैटौँ मिनेटमा खाता खोलेको थियो। तर ३७, ४५ र ६३ औं मिनेटमा गोल खाएपछि मियामी ३-१ को नाजुक अवस्थामा पुगेको थियो। 

तर बेन्जामिन क्रिमास्कीले ६५ औं मिनेटमा गोल गर्दै मियामीलाई ३-२ को अवस्थामा पुर्याएका थिए। यस्तोमा मियामीका रोबर्ट टेलरले ६८ औं मिनेटमा आत्मघाती गोल गर्दा मियामी ४-२ को अवस्थाबाट गुज्रिएको थियो। 

फेरि पनि अर्को आत्मघाती गोलले मियामीको अग्रता बढ्यो। ड्यालसका मार्को फार्फेनले आफ्नै पोस्टमा गोल गरेपछि मेस्सीको टिम मियामी ४-३ को अवस्थामा पुग्न सफल भयो। 

र, मेस्सीले ठूलो डिएरियाबाट गरेको सुन्दर फ्रिकिक प्रहार गोलमा परिणत भएपछि मियामीले खेल ४-४ को बराबरीमा पुर्याउन सक्यो।  

निर्धारित ९० मिनेटसम्म ४-४ को बराबरी भएपछि खेलको निर्णय पेनाल्टी सुटबाट गरिएको थियो। जहाँ मियामीका कुनै पनि खेलाडी चुकेनन्। र, मियामीले पेनाल्टीमा ड्यालसलाई ५-३ ले हराउन सफल भयो।

यो खेल लिग्स कपको अन्तिम १६ को पहिलो हो। बाँकी खेलहरू भोलि बिहानबाट हुनेछन्। 

साउन २२, २०८० सोमबार ०९:४४:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।