दोस्रो हाफमा खेलमा फर्कंदै म्यानचेस्टर युनाइटेड ३-१ ले विजयी
एजेन्सी : म्यानचेस्टर युनाइटेडले मैत्रीपूर्ण खेलमा फ्रान्सेली क्लब लेन्सलाई ३-१ ले पराजित गरेको छ। प्रि-सिजनको खेलमा इंग्लिस क्लब युनाइटेडले दोस्रो हाफमा पुनरागमन सहित ३ गोल गरेको थियो।
घरेलु मैदान ओल्ड ट्राफोर्डमा खेलको पहिलो हाफमा भने युनाइटेड १-० ले पछि परेको थियो। खेलको २३ औं मिनेटमा फ्लोरियन सोटोकाले गोल गर्दै लेन्सलाई अग्रता दिलाएका थिए।
यसपछि दोस्रो हाफमा भने युनाइटेड खेलमा फर्कियो र १४ मिनेट भित्र लगातार तीन गोल फर्कायो। युनाइटेडका लागि मार्कस रासफर्ड, एन्टोनी र क्यासेमिरोले १-१ गोल गरेका थिए।
साउन २१, २०८० आइतबार ११:३६:१४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
