ग्लोबल क्यानडा टी-२० को फाइनलमा सन्दीप र दीपेन्द्र भिड्ने
ग्लोबल क्यानडा टी-२० को फाइनलमा सन्दीप लामिछाने र दीपेन्द्र ऐरी सम्मिलित टोली भिड्ने भएका छन्।
दीपेन्द्र सम्मिलित टाइगर्सले शनिबार राति दोस्रो क्वालिफायर खेलमा भ्यानकुभेर नाइट्समाथि एक विकेटको रोमाञ्चक जितक साथ फाइनलमा स्थान बनाएको हो।
सन्दीप सम्मिलित सर्रेले भने पहिलो क्वालिफायर खेलमा नाइट्सलाई ३८ रनले हराउँदै फाइनलमा पुगेको थियो।
सर्रे शीर्षस्थानमा रहँदै सोझै क्वालिफायर खेलेको थियो। दीपेन्द्रको टोली लिगमा तेस्रो स्थानमा रहँदै एलिमिनेटर खेलेको थियो। एलिमिनेटर खेलमा ब्राम्पटन वल्भसलाई ९ विकेटले हराउँदै टाइगर्सले दोस्रो क्वालिफायरमा स्थान बनाएको थियो।
फाइनल आजै राति पौने १० बजे हुनेछ।
साउन २१, २०८० आइतबार १०:५१:०६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
