सस्पेन्स थ्रिलर फिल्म ‘अदृश्य’ आजदेखि हलमा
काठमाडौं : शुक्रबारदेखि ‘सस्पेन्स थ्रिलर’ कथामा आधारित नेपाली चलचित्र ‘अदृश्य’ प्रदर्शनमा आएको छ।
प्रह्लाद काफ्लेको निर्देशनमा तयार भएको चलचित्रमा अभिनेता प्रमोद अग्रहरी, रवि गिरी, रिस्ता बस्नेत, प्रविन खतिवडा, प्रिन्स प्रसिड सिंहलगायतको मुख्य भूमिका रहेको छ।
अभिनेता अग्रहरीले चलचित्रको छायाङ्कन कोरोना महामारीकै समयमा गरिएको जानकारी दिए। उनले सस्पेन्स र थ्रिलर कथामा नेपाली चलचित्र कम बन्ने गरेको र एकै कथावस्तु भएको भन्दा पनि यस चलचित्रबाट फरक विषय र प्रस्तुतीकरण दर्शकले पाउने बताए।
चलचित्रमा राकेश रनपालको कथा, आकाश उखेडाको पटकथा तथा संवाद लेखन, उत्तम हुमागाईं र मोहनकुमार झिल्लुको छायाङ्कन र विशाल पौडेलको सङ्गीत रहेको छ।
साउन १९, २०८० शुक्रबार १३:५७:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
