पत्रकार सम्मेलन गर्दै पूर्व कप्तान ज्ञानेन्द्र मल्ल, के सन्न्यासको घोषणा गर्न लागेका हुन्?
काठमाडौं : नेपाली राष्ट्रिय क्रिकेट टीमका पूर्वकप्तान तथा भरपर्दा ब्याटर ज्ञानेन्द्र मल्लले आज (शुक्रबार) व्यक्तिगत रुपमा पत्रकार सम्मेलन गर्दैछन्।
ज्ञानेन्द्रले ‘मेरो व्यक्तिगत पत्रकार सम्मेलनमा उपस्थिति भइदिनुहुन विनम्र अनुरोध गर्दछु’ भनेर दिउँस २:३० बजेको लागि पत्रकारहरुलाई बोलाएका छन्।
उनले पत्रकार सम्मेलनको विषयका बारेमा बताएका छैनन्। तर उनले यसै पत्रकार सम्मलेन मार्फत सन्यासको घोषणा गर्न लागेको हुन सक्ने अनुमान नेपाल क्रिकेट संघ (क्यान) का केही पदाधिकारीहरुले गरेका छन्।
उनले यस अघिदेखि नै सन्यास लिने तयारी गरिरहेको बताइएको छ। तर यस विषयमा उनले औपचारिक रुपमा केही जानकारी नदिएको क्यान स्रोतले जनाएको छ।
संयोग कस्तो मिलेको छ भने नेपालका अर्का पूर्वकप्तान पारस खड्काले पनि दुई वर्षअघि साउन १९ गते (आजकै दिन) क्रिकेटबाट सन्यासको घोषणा गरेका थिए।
खराब फर्मका कारण ज्ञानेन्द्रलाई हाल नेपाली टिममा पर्न कठिन भइरहेको छ भने टिममा परे पनि प्लेइङ ११ मा नपरेका कारण उनी बेञ्च मै बस्न बाध्य भइरहेका थिए।
जिम्बाबेमा भएको विश्वकप छनोटमा दुई खेल खेलेका ज्ञानेन्द्र श्रीलंकामा भएको इमर्जिङ एसिया कपका लागि भने टिममा परेनन्। अब नेपालले एसिया कप खेल्ने तयारी गरिरहेको छ।
साउन १९, २०८० शुक्रबार १२:४३:४९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
