निर्धारित समय सकिन ३ मिनेटअघि रोनाल्डोले गरे गोल, अल नासर क्वार्टरफाइनलमा

अरब क्लब च्याम्पियनसिपको समूह चरणमा अल नासर बराबरी गर्दै क्वार्टरफाइनल प्रवेश गरेको छ। 

क्रिस्टियानो रोनाल्डोले निर्धारित समय सकिन ३ मिनेटअघि गरेको गोल मद्दतमा जमालेकसँग अल नासरले १-१ को खेल्यो। बराबरीपछि अल नासर क्वार्टरफाइनलमा पनि प्रवेश गरेको छ। 

पहिलो हाफ गोलरहित बराबरीमा सकिए पनि जमालेकका अहमत सायदले दोस्रो हाफको ५४ औं मिनेटमा पेनाल्टीमार्फत गोल गर्दै अग्रता दिलाएका थिए। 

बल पोजिसन आफ्नो पक्षमा पारे पनि अल नासरले पोस्ट अट्याक गर्न भने सकेको थिएन। तर पूरा समय मैदान बिताएका रोनाल्डोले ८७ औं मिनेटमा गरेको आकर्षक गोल गरेर खेल बराबरीमा ल्याए। 

समूह 'सी'मा अल नासरले ३ खेलमा ५ अंक जोड्दा अल शबाब ३ खेलमा ७ अंकसहित शीर्षस्थानमा रहेको छ। अल नासरले अब ६ अगस्टमा हुने क्वाटरफाइनलमा मोरक्कोको राजा कलासाबान्काको सामना गर्नेछ । 

साउन १९, २०८० शुक्रबार ०७:३०:४७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।