जावा र येज्दी मोटरसाइकल खरिदमा ‘मनसुन राइड अफर’
काठमाडौं : अग्नि ग्रुपको सहायक कम्पनी तथा क्लासिक लेजेन्ड्सको आधिकारिक वितरक अग्नि मोटोइंकले जावा तथा येज्दी मोटरसाइकल खरिदमा ‘मनसुन राईड अफर’ ल्याएको छ।
यो योजना अन्तर्गत जावा तथा येज्दी मोटरसाइकल किन्दा ग्राहकले कम ब्याजदरमा सजिलो फाइनान्स अथवा एसेसरिज सहित राईडिंग गियर पाउने छन्।
जहाँ मोटरसाइकल खरिद गर्दा ५० प्रतिशत डाउन पेमेन्टमा २ वर्षको अवधिमा जम्मा ५.५ प्रतिशत ब्याजदर मात्र लाग्नेछ।
यदि ग्राहकले नगदमा मोटरसाइकल खरिद गर्ने चाहेमा एसेसरिजसहित सम्पूर्ण राईडिंग गियर पाउन सक्ने छन् अथवा उक्त एसेसरिज र राईडिंग गियर बराबरको रकम नगद छुट पनि लिन सक्ने छन्।
साथै ग्राहकले हरेक मोटरसाइकलको खरिदमा निःशुल्क हेलमेट र १ वर्षको रोड ट्याक्स पनि पाउने छन्।
कम्पनीका अनुसार हाल जावा ब्राण्ड अन्तर्गत फोर्टी-टु, जावा र पेराक मोडेल को मोटरसाइकलहरु उपलब्ध छन् भने येज्दी ब्राण्ड अन्तर्गत रोडस्टर, स्क्राम्बलर र एड्वेंचर मोडेलहरु उपलब्ध छन्।
यी सबै मोटरसाइकलहरु ३०० देखि ३३४ सीसी सम्मका छन् भने आफ्नो सेग्मेंटमा सबैभन्दा बढी पावरका छन्। जावा ब्राण्ड नेपालमा सन् २०२० मा लञ्च भएको हो भने येज्दी ब्राण्ड हालसालै मात्र आएको हो।
साउन १८, २०८० बिहीबार १४:३४:४७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
