प्राइम बैंकको कामु सीईओमा संजीव मानन्धर नियुक्त
काठमाडौं : प्राइम कमर्सियल बैंकले संजीव मानन्धरलाई कायममुकायम प्रमुख कार्यकारी अधिकृत (सीईओ)को रुपमा नियुक्त गरेको छ।
बुधबार बसेको बैंकको सञ्चालक समितिको बैठकले मानन्धरलाई कामु प्रमुख कार्यकारी अधिकृतको रुपमा नियुक्त गरेको हो। मानन्धरको बैंकिङ क्षेत्रमा २३ वर्षभन्दा लामो अनुभव छ।
बैंकको स्थापनाकालदेखि नै प्रमुख कार्यकारी अधिकृतका रुपमा रहेका नारायणदास मानन्धरको कार्यकाल गत मंगलबार सकिएको थियो। अवकाशप्राप्त नारायणदास मानन्धर विगत १६ वर्षदेखि यस बैंकमा प्रमुख कार्यकारी अधिकृतका रुपमा रहेका थिए।
साउन १८, २०८० बिहीबार १४:१८:२८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
