कोशीमा मुख्यमन्त्री थापासहित चार मन्त्रीले लिए शपथ
काठमाडौं : कोशी प्रदेशका मुख्यमन्त्री उद्धव थापाले पद तथा गोपनीयताको शपथ लिएका छन्। थापालाई बुधबार साँझ प्रदेश प्रमुख परशुराम खापुङले शपथ गराउनुभएको हो।
नेपाली कांग्रेस, माओवादी केन्द्र, एकीकृत समाजवादी र जनता समाजवादी पार्टी गरि ४७ सांसद्को समर्थनमा कांग्रेस संसदीय दलका नेता थापा मंगलबार मुख्यमन्त्रीमा नियुक्त भएका थिए।
थापासँगै सभामुखबाट राजीनामा दिएका माओवादी सांसद बाबुराम गौतमले आर्थिक मामिला तथा योजना मन्त्री, एकीकृत समाजवादीका सांसद कमल प्रसाद जवेगुले भौतिक पूर्वाधार मन्त्री र कांग्रेस सांसद प्रदीपकुमार सुनुवारले खानेपानी, सिंचाइ तथा ऊर्जा मन्त्रीको रूपमा शपथ ग्रहण गरेका छन्।
थापा गत असार २१ गते मुख्यमन्त्री नियुक्त भए पनि सभामुखको समेत समर्थन लिएपछि सर्वोच्च अदालतले उनको नियुक्तिलाई बदर गरेको थियो।
साउन १७, २०८० बुधबार १९:०२:२५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
