एक खेल पनि नजिती अर्जेन्टिना विश्वकपबाट बाहिरियो
अर्जेन्टिना फिफा महिला विश्वकपको समूह चरणबाटै बाहिरिएको छ।
नेपाली समयअनुसार आज दिउँसो सकिएको खेलमा अर्जेन्टिना स्विडेनसँग २-० गोलअन्तरले पराजित भएसँगै अर्जेन्टिनाको अघिल्लो यात्रा बन्द भएको हो।
लिग चरणका तीन वटै खेलमा अर्जेन्टिना जितवहीन भएको छ। अर्जेन्टिनाले यसअघि दक्षिण अफ्रिकासँग २-२ को बराबरी खेलेको थियो भने लिगको पहिलो खेल इटालीसँग १-० गोलअन्तरले हारेको थियो।
समूह 'जी' मा रहेको अर्जेन्टिनासँग मात्र १ अंक रहेको छ। यो समूहबाट स्विडेन र दक्षिण अफ्रिका अन्तिम १६ मा पुगेका छन्। आजै भएको अर्को खेलमा दक्षिण अफ्रिकासँग ३-२ गोलअन्तरले पराजित हुँदै इटाली पनि लिग चरणबाटै बाहिरिएको छ।
साउन १७, २०८० बुधबार १७:४६:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
