कोशी प्रदेशको मुख्यमन्त्रीमा उद्धव थापा नियुक्त
काठमाडौं : कोशी प्रदेशको मुख्यमन्त्रीमा नेपाली कांग्रेसका उद्धव थापा नियुक्त भएका छन्।
प्रदेश प्रमुख परशुराम खापुङले मंगलबार नेपाली कांग्रेस कोशी प्रदेश संसदीय दलका नेता थापालाई संविधानको धारा १६८ को उपधारा २ अनुसार मंगलबार साँझ मुख्यमन्त्री नियुक्त गरेका हुन्।
सभामुख बाबुराम गौतमले राजीनामा दिएपछि थापाले प्रदेश प्रमुखसमक्ष मुख्यमन्त्रीमा दाबी पेश गरेका थिए।
उनी दोस्रो पटक मुख्यमन्त्री नियुक्त भएका हुन्। यसअघि सभामुखको समर्थनमा उनी मुख्यमन्त्री नियुक्त भएका थए।
तर, सर्वोच्च अदालतले सभामुखको समर्थनमा सरकार बनाउन नपाउने भन्दै उनको नियुक्ति बदर गरिदिएको थियो।
साउन १६, २०८० मंगलबार १८:२८:११ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
