भियतनामलाई ७ गोल हान्दै नेदरल्यान्ड्स बन्यो समूह विजेता
१ वर्ष अघि
एजेन्सी : नेदरल्यान्ड्सले महिला विश्वकप फुटबलमा भियतनामलाई ७-० गोलको भारी अन्तरले हराएको छ।
यो जितसँगै गत संस्करणको उपविजेता नेदरल्यान्ड्सले समूह विजेताको रुपमा प्रि–क्वाटरफाइनलमा स्थान पक्का गरेको हो।
मंगलबार भएको खेलमा नेदरल्यान्ड्सले पहिलो हाफमै पाँच गोल गरेको थियो। यसपछि दोस्रो हाफमा दुई गोल थप्दै नेदरल्यान्ड्स साविक विजेता अमेरिका रहेको समूहको विजेता बनेको हो।
समूह ‘ई’ मा ३ खेलबाट ७ अंक जोडेर नेदरल्यान्ड्स शीर्षस्थानमा रहँदा अमेरिका ५ अंकका साथ उपविजेता बनेको हो।
साउन १६, २०८० मंगलबार १७:५१:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
