जापानले स्पेनलाई हान्यो ४ गोल, समूह विजेताको रुपमा विश्वकपको अन्तिम १६ मा
एजेन्सी : जापानले महिला विश्वकप फुटबलमा युरोपेली पावर हाउस स्पेनलाई ४–० गोलको फराकिलो अन्तरले पराजित गरेको छ।
यो जितसँगै एसियाली राष्ट्र जापान समूह चरणको सबै खेल जित्दै विजेताको रुपमा विश्वकपको प्रि–क्वाटरफाइनलमा प्रवेश गरेको हो।
समूह ‘सी’ को अन्तिम खेलमा उपाधिको दाबेदार मानिएको स्पेनमाथि जापानले पहिलो हाफमै तीन गोल गरेको थियो भने दोस्रो हाफमा एक गोल थप्यो।
समूहमा तीन खेलमा अविजित रहँदै जापान ९ अंकका साथ समूह विजेताको रुपमा अन्तिम १६ मा स्थान सुरक्षित गरेको हो। हारका बाबजुद स्पेनले पनि ६ अंकका साथ उपविजेताको रुपमा प्रि–क्वाटरफाइनलको यात्रा तय गर्यो।
साउन १५, २०८० सोमबार १७:३१:०८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
